முகம்

முகமூடி தொலைத்தேனா?
முகமூடி அணிந்தேனா?
முகம் தொலைத்த நாள் முதலாய்
விடையே தெரியாத கேள்வி இது
முகம் தொலைத்த நாளே மறந்ததால்
கேள்வியே இல்லாத கேள்வி இது

அறிந்து செய்வதே நாம் செய்ததெனில்
அனிச்சை செய‌லென்ன அ‍‍ந்நியமா?
அறிக்கை செய்வ‌தே நினைவில் இருக்கையில்
அறிக்கையாய் இருப்ப‌து தான் அ‍‍ந்நியமா?

மீன‌வனின் காத்திருப்பு மீனுக்காகவா?
பிடித்த மீனை விற்பதற்காகவா?
நான் தேடும் அந்த விடையும்
தூண்டில் தேடும் அந்த மீனின் உவமையே
உருவம் இல்லாத என் முகமும்
அந்த‌ மீனவனின் உருவகமே